كلب الجولدن ريتريفر
سلام عليكم
اهلا بيكم
انهاردة كام معلومة كده ع الماشي للي مش عارف واللي عاوز يعرف عن
كلب الجولدن ريتريفر
هو مش اشهر الكلاب حاليا في مصر وعدي كمان الجيرمن شيبرد
بسبب انه كلب لعبي وشكله جميل وسعره كويس كمان وبدا يكون منه سلالة نضيفة في مصر في السنوات الاخيرة
هنتكلم في شوية حاجات هاتفيد اللي عنده واللي عاوز يشتري
هنتكلم عن المواصفات والأمراض والسلوك وطرق التغذية
ما يميز كلب جولدن هو سلوكة المرح جدا
تجاه جميع أفراد الأسرة،
علشان كده هو أحد أفضل الكلاب المنزلية في التربية علشان بتمتع بسلوك ودود ومرح
يمتلك مميزات فريدة الحقيقة مش موجودة في أي سلالة تانية كتير
وفي كل المواصفات والمميزات او معظمها للي بيدور عليها محبي ومربي الحيوانات الأليفة.
وكمان يتميز الجولدن بالذكاء الشديد وده بيخليه قابل للتدريب والتعليم بشكل سريع ومميز، وبعدين هو يصلح في المهام المختلفة
فا انت حر في استخدامه ككلب للزينة أو كلب للمهام والمهام دي يحتاجها ناس كتير وهاقولكم علي حاجات منها
الفيديو ده هايفيدك ...
نيجي للميزات الحقيقة اللي مش عرفنها او مش بنستخدمها علشان في ناس بتربي الكلب ده علي اساس انه قطة كبيرة لكن في الحقيقة هو كلب وكلب ذكي جدا وفي الاساس هو كلب صيد
ودلوقي في بعض الدول بيستخدمو في الانقاذ
يتميز كلب جولدن ريتريفر بقدرته على الصيد واسترجاع الفرائس بعد صيدها وعلشان كده تم تسميته بالاسم ده، كلمة Retriever
باللغة الإنجليزية تعني أنه يقوم بالركض والامساك بالفرائس بعد صيدها وارجاعها لصديقه.
يستخدم أيضا في اكتشاف المتفجرات أو في مساعدة ذوي الاحتياجات الخاصة.
لكن احنا ومعظم الدول العربية مبنستخدمش الكلاب بالشكل السليم
مفيش بس غير ممكن نشوف الجولد احيانا عند البركنج لاي مول انه بيقوم بالكشف علي عربيتك
لكن بعض الامريكان من ذوي الاحتياجات الخاصة بيعترفو انه ساعدهم كتير واصبحه مش محتاجين مساعدة مش شخص اخر وده اللي شهر الجولد زيادة في السنين اللي فاتت
الكلب ده اصوله امريكية
طول كلب جولدن :
الطول في الذكور الجولدن : 56 سنتيمتر – 61 سنتيمتر
الطول في الإناث الجولدن: 51 سنتيمتر – 56 سنتيمتر
وزن كلاب الجولدن :
الوزن في ذكور : 29.5 كيلوجرام إلى 33.5 كيلوجرام.
الوزن في الإناث : 25 كيلوجرام إلى 29.5 كيلوجرام.
فراء وشعر الكلب الجولدن:
يتميز فراء وشعر الكلب الجولدن البيور (Pure Golden Dog )
أنه كثيف ومستقيم أو متموج و من أهم المواصفات في كلاب الجولدن النقية أن فرائها مقاوم للماء.
لون الفراء يتراوح بين الذهبي
)Golden) والبني الفاتح (cream)
نيجي لعمر الكلب الجولدن ودي مسالة نسبية وكتير بتعتمد علي الصحة والعوامل
العمر الافتراضي او المتوقع للجولدن
تعيش كلاب الجولدن لمدة قد تصل من 10 سنوات إلى 12 سنة، وده بيعتمد علي كثير من العوامل الوراثية والصحية.
وملحوظة بقولها دايما لو انت حسيت انك مش اد عمر الكلب او انك ممكن تزهق منه بعد شهر او سنة وتمرمي بلاش تجيبه من الاول وسيبه في مكانه وريح ضميرك
ولو مابتعرفش طريق الدكتور البيطري راجع نفسك قبل متربي اي حيوان
علشان مش هاينطق ويقولك انا تعبان فا لازم تزور الدكتور من وقت للتاني علشان تطمن وتشوف التطعيمات اللي محتاجها
السوال المهم اللي ناس كتير هاتسالو
هل تصلح كلاب جولدن للحراسة ؟
الاجابة هي لا بنسبة 70 في المية
الكلاب من الفصيلة دي بنبح بصوت عالي جدا إذا لاحظت قدوم أي شخص غريب، لكن مش هايقوم بالاشتباك مع الغرباء وممكن تلاقي كمان بعض الكلاب الجولدن ودودة جدا مع اي شخص غريب.
ايه هي كمية الاكل
الكلاب الجولدن البالغة بتأكل وجبتين يوميا، كل وجبة عبارة عن كوبين إلى ثلاثة أكواب من أنواع الدراي فود (الطعام الجاف) عالية الجودة المخصصة لهذه السلالة.
وممكن تقديم الطعام المطبوخ في المنزل، كل كلب يحتاج إلى كمية معينة من الطعام بناءا على الوزن وكمية الطاقة التي يحتاجها وكمية المجهود اليومي اللي بيقوم به.
لذلك احرص أن تقدم الكمية المناسبة بناء على هذه العوامل، حيث أن كلاب جولدن من الممكن أن يزداد وزنها بسهولة وتتعرض للسمنة علشان كده خد بالك أن تصيب كلبك بالسمنة بدون قصد.
الكلاب الجولدن تنمو بسرعة في سن 4 أشهر إلى 7 أشهر، لذلك إذا قمت باطعامها بشكل مستمر بدون نظام غذائي عالي الجودة وقليل السعرات الحرارية فستصاب الكلاب بالسمنة وأمراض العظام التي ستؤثر على صحة الكلب بتاعك
النمو السريع للكلاب يؤثر على الهيكل العظمي الخاص بها وهايجعله عرضه للكثير من أمراض العظام.
كيف يمكن العناية بجسم وشعر الكلب ؟
تتمتع هذه السلالة بشعر كثيف وبراق ولامع ويتعرض شعرها للسقوط في بعض الأحيان، لذلك عليك دائما ان تعتني بشعر الكلب عن طريق تمشيطة بشكل يومي أو مرتين على الأقل اسبوعيا.
تمشيط شعر الكلب الجولدن يساعد على التخلص من الشعر الزائدة والحفاظ على صحة شعره وفراءة بشكل كبير وبهذه الطريقة ستضمن ان يبقى لامعا
اهتم ايضا بفحص أذن الكلب وكذلك عينيه واستشارة طبيبك البيطري في حالة لاحظت أي تغيرات غير طبيعية سواء على الجلد أو العينين.
وبكده تكون خلصت حلقة انهاردة اتمني تكون استفادو منها لو عجبتكم اضغط لايك
ولو في اي تعليق او اي سؤال قولو في كومنت
في حفظ الله
ليست هناك تعليقات:
إرسال تعليق